РСҚ

(Жидкостный ракетный двигатель (ЖРД))

ұшатын аппараттың өзінде тасымалданатын сұйық жанармай мен тотықтырғыш арасындағы тікелей реакция арқылы пайда болатын тарту күшімен жұмыс істейтін реактивті қозғалтқыш. РСҚ алдыңғы бөліктен, жану камерасынан, реактивті жабық қуыстан, салқындатқыш қабықтан және тұтандырғыш құрылғыдан тұрады. Жанармай мен тотықтырғыш сығылған газбен жану камерасына итеріледі, ал жанған өнімдері жабық қуыс арқылы сыртқа шығарылады. РСҚ-ның жұмысы қоршаған ортаға тәуелді емес, сондықтан ол кез келген биіктікте және ауасыз кеңістікте қолданылуы мүмкін. РСҚ-ның жұмыс істеу ұзақтығы оқ-дәрілік реактивті қозғалтқышқа қарағанда артық. Қазіргі заманғы РСҚ кейбір көп сатылы баллистикалық, ғарыштық және басқа ракеталарды, Жердің жасанды серігін ұшыру үшін, сондай-ақ ұшақ пен қанатты ракеталарда қосалқы қозғалтқыш ретінде қолданылады.